BlackBerry

بسم الله الرحمن الرحيم

غبنا عن هالمنتدى فترة ليست بالبسيطة ...

ولكم وحشة خصوصا حبايبنا بقسم همس القوافي

وها نحن نعود من جديد بقصيدة وأتمنى أن تروق للجميع ...

الجوّ بارد وقلبي مالغلا ساخن=
وين أنت ياللي عن الأنظار متخبّي

قُم دفّني .. مت .. من برد الخُبر طاحن!!=
حطّم عظامي .. وأبي فزعتْكْ يا طبّي

قرّب وشلْنِي بكفّك لِينْ نتوازن=
ثم احتضنّي وخلّك حولِي بجنبّي

ودّي أقلّك كلامٍ بالصّدر .. راكِن=
وآطفّي أشواق روحٍ ضوّها شبّي

وآشكي همومي على صدرك وانا راجٍ =
مسْحة دموعي وهي ع الخدّ تنصبّي

وأنت .. اللّه اللّه .. بطفلٍ بين إيدَك آمن=
ضمّه وقلّه ي قلبي انت .. ي حُبّي

ضامي على ضمّتَك والحُبّ لَكْ ماكن=
بين الحنايا وفي الأعماق متربّي

وإمّا أنت كلّك بكبرك في الحشاآ .. ساكن=
ويشهد على صدق قولي ي حلو .. ربّي!!

أهواك أنا حيييل يا كلّ الحلا لكن=
دخيلك الله .. تكفى .. لا تلاعبّي

ولا بدّ من شوفتك في وقتنا الرّاهن=
ما عاد تكفي سوالفنا على البيبّي*

الببّي = BlackBerry ~ bb

وسلامتكم ...

بإحساس / جبرني الوقت
( محمد آل مريع )