سبحان ربن عاليات عروشه

سبحان ربن عالـــيات عروشه=اكرم كريمن مــــــــن كرايمه نبتاش
يارب عــفوك يوم لف النعوشه=في حفرتن سودن بياض بها الشاش
ويالله في مزنن ترشش رشوشه=على ديارن ساقها الوسم مطراش
نركب ركايبها ونقطب عفوشه=واخيل العليا على برق ورشاش
والسيل غيله وسط حدبن طبوشه=يشل عنها كل مزبر ومقشاش
يم الحيا روضن خضار حشوشه=ننخي بها ذودن به ازواد وادبـــــاش
ونقلط على بنن بهاره نعوشه=ونحدي على ريمن عن القنص تنحاش
في هالزمن رجلن تعزه قروشه=لو ان ساسه مسيسينه على اللاش
واليوم قلبي بيت والاحزان حوشه=والنفس تبريها هجوعن ومغتاش
عزاه يا قلبي هجوسه تحوشه=فعل الجزيله ما ترده على الماش
صحبت وفاء ماهيب رفقته غشوشه=نلزم بها طيبن وعيشن ومعتاش
والطيب في الخيب تزارق عكوشه=يرميك بالهونا وغمن ومعكاش
يا صاحبي ظني ونفسي بشوشه=ما تحمل السفلى وضعفن ومقراش
ازبن دخيلن وقت غوثن ودوشه=واصـــد ندن يـــــوم دابك ومنحاش
واطعم رفيقي من كبار المعوشه=لا صار وقتي بين الاصداف منداش

شعر/عائض حمود الضمدي الحارثي /بيشه /قطبه[/QUOTE]