زوجونـــي

زوجوني

عباره رددها مشاري على مسامع اهله منذ ان كان في عامه السادس عشر
وكانت تقابلها عبارة كمل دراستك وافلح في اللي يخصك واذا قدرت تعتمد على نفسك زوجناك
لم يكمل الدراسه ولم يفلح في شيء
بالعربي صاع وضاع وباع دينه بدنياه . مشاكله مع اهله ماتنتهي ولامع سيارات اخوانه وابوه ومرات عديده تمسكه الشرطه مفحط والا معاكس ورغم كل ما يفعله لازال يردد على مسامع اهله زوجوني .


كلم اخواله واعمامه واقاربه وطلبهم يتوسطون له عند ابوه انه يزوجه والكل كان يقول له من وين تصرف عليها ؟
ابوك مارح يدوم لك ولا اخوانك مارح يعطونك كل مره ولو خلفت من وين تعيشهم ووين تسكنهم وانت اصلا ماعندك الا غرفه وكمان في الملحق
حاول يدرس ماقدر اشتغل كم شغله تعبانه ولا فلح فيها يتجمع له فلوس من اخواته وامه وعماته يصرفها في يوم وليله

ولازال يكرر عبارة زوجوني على كل من يعرفه
تجاوز الثلاثين وهو محلك سر ضايع لاشغل ولا دراسه ولا زوجه ولا بيت ولا حياه واضح لها اي معالم ويصرف مافي الجيب لينتظر مافي الغيب
مات ابوه وترك لهم تركه ممتازه قال للمره المليون زوجوني ولانه كبير وماحيلته شي استحوا يدورون له في اللي حواليهم ووعدوه خير وفي هذا الوقت طاحوا عليه الاصحاب طبعا الان هو راعي ورث ودلوه على طريقه لتفريغ همومه ورغبة الزوج المكبوته في داخله
رحله للشام كم يوم ورجعه للبلد ومنها للبحرين كم ساعه وعوده للبلد
وسكت ماعاد جاب طاري الزواج اليييين انتهت فلوسه
وجا لامه زوجوني
ولما سألوه من وين تصرف عليها قال انتو اهلي وبكى عند امه وقال لاتضيعيني تراني ارتكبت محرمات وكبائر ذنوب
تكفين زوجيني واستريني
رحمته الام وجمعت له من عندها ومن عند اخوانه واخواته وبعد طلبه وحبة خشوم تجمع له مبغ يكفي للزواج من الشام
دوروا بسرعه لقيوا تم القبول وجات الاجراءات الرسميه لاكمال الزواج
اوراق ومعاملات وفحص طبي للعريس وللعروس
فرحته ماتوصف يمشي ويعرض ويقول للكل اخيرا رح اتزوج وانستر










طلعت نتايج الفحص الطبي

























































العريس مصاب بالايدز

ليست مجرد قصه ولكنها قضيه للنقاش