ساعة جلس صفي وكفّه يكفّي ....

ساعة جلس صفّي وكفّه بكفّي = والنّور مطفي والمخاليق هجّاع
قلت اسقني تكفى بكفّك ويكفي = يمكن يطفّي واهج(ن) بين الاضلاع
أخذت شفّي خايف اللّيل يقفي = والصبح يلفي واسمر اللّون يرتاع
حكم الهوى عرفي قانون مخفي = والقرب يشفي كلّ حاير وملتاع
وارسلت طرفي شفت امامي وخلفي = وارخيت كتفي قلت يا حلو الاطباع
نصفك ونصفي لو جمعناها يصفي = عطفك وعطفي والهوى اشكال وانواع
مانته بمعفي قبلة(ن) منك تدفي = جسمي وتطفي لوعة الشوق في ساع

الشاعر : علي بن محمّد القحطاني