قضيه مهمه جداً مطروحه للحوار......لازم الكل يشارك برأيه...(من البيك)

قضيه مهمه جداً مطروحه للحوار......لازم الكل يشارك برأيه...(من البيك)

مقدمة
فيه عينه من الناس اللقافه تجري في دمهم , ودايماً يكونون مكروهين
والمقصود باللقافه(فضول,تطفل,نذاله,شحته,انبراشات غلط….إلخ)
وأنا بستعرض معاكم بعض مواقف الملاقيف اللي تمر علينا في حياتنا اليوميه
واتمنا انه محد تكون فيه هذه الصفات لأني بصراحه ما اطيقهــــــــــــــــا:


1- قمة اللقافه انه واحد يتصل عليك وتكلمه وبعد ما تسكر يقولك الا جنبك منهو؟ وش يبغا؟ وليش؟ .........لا حووووول.. انت وش دخلك.



2- قمة اللقافه اذا قلت للشباب مين يبي عشا ترى بنطلب وواحد يقول لالا انا شبعان ولما يوصل العشا يتلقف ويقعد ينقنق بالبطاطس حقكم....يعني مستحي الاخ .

3- قمة اللقافه اذا كنتوا قاعدين شله بقهوه ومقابلكم واحد قاعد وحده ورامي مسامعه على سوالفكم واذا قلتوا سالفه تضحك قام يتبسم كنه مايدري.......على مين يا ابو الشباب.



4- قمة اللقافه اذا كنت قاعد بالقهوه ويجيك واحد من اخوياك و ياخذ جوالك من غير ما يستأذن يبي يشوف الصور ومقاطع الفيديو والرسايل.......طيب استأذن الله يلعنك امكن فيه شي خاص.



5- قمة اللقافه اذا اخوياك يبغون يمزحون معاك ويحطونك في شنطة سيارتك ويصكون عليك ويكون الزر اللي يفتح الشنطه خربان ويطلع مفتاح السياره في جيبك......الحين كيف تطلع؟.



6- قمة اللقافه اذا نزل فلم قوي بالسينما وانت متحمس عشان تشوفه ويجيك واحد ملقوف ويقولك ترى الفلم كيت وكيت والبطل يموت اخر شي.....اعتقد بالفلم بس تنتظر متى يموت البطل.




7- قمة اللقافه اذا كان عندكم عزيمه في بيتكم وعندكم جاره ملقوفه تقوم تتصل عليكم وتقول عسى ماشر .............اوووفففففففف ليش تفكير الناس كذا.




8- قمة الشحاته اذا عندكم عرس وتدق عليكم وحده تقرب لكم من
بعيييييييييييييييييييييييييييييييييييييييييييييييي يييييييييد
تقول ابي بطايق زياده(عشان تعزم جاراتها) .....احمدي ربك إنا اعطينك انتي



9- قمة الملعنه اذا كل ما تشتري شي يجيك واحد ويقولك من وين شريته ويروح يشتري نفسه.......والله لو ادري ما كان شريته.




10- قمة اللقافه إذا كنت أنت و واحد طالبين عشا وقاعدين تاكلون ويدخل عليكم واحد وتقولوه تفضل والأخ ما يصدق ويتفضل صدق.....ياهوووه ترى مجامله يا الحبييييييييب




11- قمة اللقافه إذا قاعد بالقهوة تلعب بلوت ويقعد وراك واحد ملقوف ويغثك لا تلعب كذا ونزل هذه........تعال العب بدالي أحسن.





12- قمة اللقافه إذا كنت شاري سيارة ويسألك واحد هاااااه يافلان شريتها كاش ولا أقساط............ إذا شريت أنت كاش أنا اشتري كاش ..مالت عليك.




13- قمة اللقافه إذا تبي تقول سالفة ويقاطعك واحد ملقوف بالمجلس ويقول السالفة بدالك....تحس إن ودك تقتله.





14- قمة اللقافه إذا كنت قاعد تقرا الجريدة ومنهمك فيها وتبي تقلب الصفحة ويجي اللي جنبك يقولك صبر صبر قاعد اقرأ لا تقلب.....ياخي خلني انتهي بعدين خذها واقراها بكيفك.





15- قمة اللقافه اذا بنات في لموزين واقفين عند الاشاره وواحد كل شوي يقدم سيارته الا يبي يشوفهم الين يصدم السياره اللي قدامه....طيب وش ذنبه المسكين.




16- قمة اللقافه اذا صار حادث بالشارع الثاني والشارع اللي انت فيه واقف مايتحرك كله عشان يشوفون وش صاير ........وحتى انا اذا مريت كمان بوقف .




17- قمة النذاله اذا كنت قاعد بالحمام وانتوا بكرامه ومريح على الاخر ويجيك واحد ويطفي عليك النور ويشرد.......طيب ليش ليش بالله.







هل فيه لقافه اكثر من كذا؟ ( اذا فيه اضف (ابدأ من رقم 18 ))
وما هي طرق القضاء عليها؟




(الإجابة متروكة للحوار)