ذراي وصلك والعدو هبت الريح
يالي تركتيني جريح السـهاما

لالا يهمك قول عـــاذل وتجريح
أليا مررتي به فقولي سلاماا

كم عود من زينك يبي يقوم ويطيح
غدا سوات الطفل قبل الـفطاماااا

ويمكن يطلق حرمته وسده يبيح
ويصد عن دعوات حسن الختاما

وش عاد انا ياريحة الفل والشيح
لابالله الا دهــــن عود وخزاماااا

وان كان عن حالي ترا بوصلك منيح
لكن في غيبتك جافي المنامااااا

في داخلي صرخه ولكن مااصيح
من خوف يضحك بي ردي الانامااا

اصبر ولو في داخلي نار او فيح
واضحك بوجهه ياعساااه الهدامااا

ردي مادام الوضع يلزمه تصحيح
ومادامك الغايه وانا لك مرامااا

انتي ترااكبر من قصيده وتصريح
وجمالك ابلغ من بليغ الكلامااا

خلاص بختمها ببيتن و توضيح
مسبوق به بينت خوف الملاما

ابوك يذبح للنشاما مفاطيح
وانتي بعينك تذبحين النشاما