صدفتك خير من الف ميعاد
ليت الطـريق اللي غـدابـك يجيبك
والصدفه اللي جابتك لـيـت تنعاد
ويا ليت لو لحظه تـجـي وألتـقي بك
علـى طريـق الحـب مـن دون مـيـعـاد
قتـلـت قلـب خـاطـره يهتـني بــك
يـوم اللقـا للـعاشـق الصـب ميلاد
ياكبر مـعـروفـك ويـاكــبر طيـبـك
قلبك عـلى جـرح المحـبـيـن مـعـتاد
يا قـلـب لا تـحزن وهـذا نصـيـبـك
لا عــاد تشـكـي لحـظـة فـراق وبعاد
حتـى حبيـبك لو نـسـى أنـه حبيبك
يمـكـن تـكـون المسأله شـغلـة عـناد
يا قلـب ولو أن الوفا كان عيـبـك
أصبر ولو قالوا تـرى الصـبر ما فـاد
بكـرا الطريق اللي يجـيبه يجـيـبـك
صدفه وصدفه خيـر مـن ألـف مـيعـاد