زوجة تبغى تصلح مقلب في زوجها


زوجة في يوم من الأيام حبت تصلح مقلب في زوجها قالت خلوني أغير الجو شوي وتفرفش وتستانس

المهم قامت وعبت الشنط وفضت الدواليب ، ولبست عبايتها ونقابها

وجت عند زوجها وكان جالس مستانس في الصالة

قالت له يالله قوم ودني بيت أهلي ، ويطالع فيها وهي لابسة عبايتها وشايله شنطها ، وقال لها عسى ما شر ، قالت خلاص ما عاد أبيك ودني عند أهلي ، قال لها يا بنت الناس وش حاصل ووش سويت لك ، قالت خلاص ما عاد أبيك

المهم قام الرجال وهو مستغرب وزعلان ولبس ثوبه وشماغه وطالع فيها إلا وهيه ميته من الضحك

ورمت العبايه ، وقالت له مقلبتك وهي ميته من الضحك

قال لها أسمعي تنزلين قدامي السيارة ولا أسمع لك كلمة


قالت حبيبي أمزح معك


قال أنزلي اللحين أوديك بيت أهلك


قالت والله أمزح ، ودمعتها بدت وملامحها تغيرت

قال أقول يالله نزلنا
ونزل وهو زعلان وأخذ بعض الشنط ونزلت وراه وهي رايحه فيها وتبكي وتصيح وتشهق

ولما شغل السيارة قال يالله أنزلي أنا اللحين اللي مقلبتك ، يالله أطلعي البيت ولا عاد تسوين الحركات هذي

خليني أنشف ريقك زي ما نشفتي ريقي

رومانسية السعوديين ما لها حل

ههه

.