ماشاء الله ياحضرة العمدة اش هالاسلوب الرهيب
قصة قريتها من قبل باسلوب يفقع القلب لكن ماشء الله عليك خليتها حكاية لطيفة ومسلية ومعبره جدا
يبدو انك عمده فعلا !
الفساد ياحضرة العمده لم يعد شيئا غريبا واحنا كمجتمع ندور عليه خل نكون صريحين
يعني لو نعرف احد في المطار نتوسط به علشان يشوف لنا كم مقعد في رحلة كل مقاعدها ( فل ) وماتدري الا هو جايب لك التذاكر وقاص البوردنج مو لله لكن لانه يقطع لك ومطلوب منك تمسك له يعني مديون له بخدمة ورح تسويها طيب غصب رح تسويها
المصيبه اللي تقهر ان فيه عمال يشتغلون في المطار يسوون هذي الخدمة بخمسين ريال ( قريتها في منتدى من شخص تعرض لهذا الموقف ويقسم على حدوثه
روح المستشفى يعطونك موعد يبغالك تقويم السنه الجاية علشان تكتبه عليه علشان تتذكره لكن لو تعرف موظف والا دكتور والا حتى سواق في المستشتفى بتدخل للدكتور وتتسوى لك اشعة مقطعية ورنين مغناطيسي ويجيك الدوا للبيت
بس لازم تكون راعيها لانك رح تحط مقابل هذي الخدمة
فساد من الكل والكل يشتكي ويقول ليه الفساد انتشر
بدون ان نقصد نحن نرحب بالخدمات المجانية ولا نعتبرها فساد ربما جهلا او تجاهل
المشكلة ان اولادنا يتعلمون الفساد بشكل عملي في المدارس ..الغش .. الاسئله اللي تعطى لطلبة التقوية والدروس الخاصة
ياحضرة العمده
موضوعك جميل جدا واسلوبك اجمل
دمت في خير .
|