ألا يا حب قل إحلاك .. لو قد جازلي ماضيـك وجعل أمحق دروب .. اللي على دربك تودينـي وألا يا خلي اللي ميّـزك بـد العـرب باريـك وصب إفهيكلك حسن ٍ عليـه الشـوق طاوينـي عسى الله لا يبارك فالضما ... كان الضما طاريك ولا طـاري فـراق ٍ كـل مايطـري يسرّينـي وعسى الله لا يعود الليله اللـي كـدّرت مغليـك بلاها يومـك إتشاهـق قهـر وأنتـه تحاكينـي بكيت ودمعتينك حـدّرت وأسقـت ثـرا خديـك وحزنك فاض من عيـن ٍ تبـدل قسوتـي لينـي دعيتك يا سمـي الريـم وأنـت إتقوللـي لبيـك وأنا أنشد وش بلاك ..إتقول :أبيـك ولا تخلينـي حبيبي لا تلوم الشـوق لا رمّـد وهـو يرثيـك بعد ما حالـوا إخوانـك وإبيهـم بينـك وبينـي وأنا والقلب وإعيوني وصدري يالغـلا نطريـك تمنوا شوفتك وأنا مـا اظـن الشـوف يكفينـي تمنت عيني إبنومي لو إنـي فـي محـل إخيـك عشان إليا ضمت لك ترتوي من شوفتـك عينـي وتمنآ صدري المزحوم لـو إنـي محـل إبيـك عشان أضم صدرك فوق صـدري يـا مشقينـي وتمنآ القلب لـو إنـه خضـاب ٍ ناقـش ٍ كفّيـك ولا همه من أكون إلك بيـن أقـواس (ناسينـي) تسلوا بالتماني عنك .. يا مشقـي محبـك فيـك وأنا من ضيقتـي حتـى التمانـي مـا تسلينـي ولا أدري وش ورا حبك وقولة يا فـلان أغليـك تبادلنـي غـلا ... وإلا كــذا ودّك تعنيـنـي