الى متى يا دهر والصمت كاويـــــــني = الى متى وأنت سرّك ما تحاكيــته
حرام يا دهر ما ترحم وتاويـــــــــني = حرام ما تحترم دمعٍ تباكيــــــته
لولا ظروفك ترى ما أحدٍ يقاويـــــني = ولولا صعوبة مسارك ما تشاكيــته
لكنها مشكله لا صرت تعنـيـــــــني = وأكبر مصيبه أتت من خلّ حبيته
خلٍ الى من لفيته قلت داويــــــــني = قال الدواء عند دكتورٍ تناسيــــته
وأنا أدري إنه يدور شئ يعميــــــني = شئ إذا مر في دربي تحاشيـــــته
والطب في الحب ماهو شئ في يديني = والسم في كف محبوبٍ تمنيـــــته
أقدار وحظوظ في الدنيا تـشــقـيــني = وتجلب لي الهم والواقع تلافيـــته
والصبر لو طال مضمونه يسـلـيـــني = في ساعة تنحسب في دمع هلّيـــته
والناس لو حاولت تلغي عناويـــني = يبقى ألف عنوان في مضمار خطيـته