صدى الحرمان: الو السلام عليكم
بنوتى:وعليكم السلام
صدى: اشحالج حبوبه
بنوتى :الحمد الله عايشين
صدى:اقول فديتج ترانى ملانه وطفرانه شو رايج امر عليج وانروح نتعشى في المارينا
بنوتى:والله فكره
صدى:خلاص عيل انا راح امر عليج الساعه 7 نتمشى عقب نتعشى
بنوتى:اوكيه حياتى
صدى:فمان الله
بنوتى:فمان الكريم
المهم راحت صدى واتعدلت ولبست واتصلت في بنوتى اتقول لها انهاالحين بتمر عليها بعد ما مرت عليها كانت بنوتى وصدى في السياره طبعا السياره مخفي ومحد يشوف منو داخل بس من جدام المخفي بس نص وكانت فيه سياره جدام سياره صدى والاشاره كانت حمراء وهم يسوالفون
صدى:شواقه حياتى شوفي هذىالسياره اللى جدام
بنوتى:شو بلاها
صدى:طالعى اللى يسوق ما شال عينه من على المرايه خيبه كلنا بعيونه
بنوتى تطالع
اتخيلوا منو طلع
ابو فارس وهوه اللى يسوق ومعاه مفارق الخلان
خخخخخخخخخخخخخخخخخخخخخخخخخخخخخخ
صدى:خلى عمرج عادى لا يحس فيج
بنوتى:اوكيه انتى سوالفى معاى عشان يقول انه عادى مب مهتمين
صدى:ما اقدر ويهى احترق كثر ما يطالع
بنوتى:صدق انه ما يستحى ولا طالعى اربيعه بعد شكلهم يتكلمون عنا
صدى:خليهم بس
فتحت الاشاره والكل اتحرك المهم الحزن تم يسوق اشوى اشوى عشان صدى تتجاوزه وتمر جدامه وبعد ما اتجاوزت صدى سياره ابو فارس تم ابو فارس يمشى وراهم ويلحقهم لين ما وصلوا عند المارينا وبركنوا السياره ابو فارس طبعا وراهم(صاير سبرقلو) المهم نزلت صدى وبنوتى والحبايب وراهم وهم يمشون
ابو فارس: اقول الغلا جنك محلو اليوم
مفارق الخلان: شو؟
عاد اونه يكلم مفارق الخلان وهو يقصد الكلام لج ياجاره
ابو فارس: شو بلاك انت ما تسمع اقول تراك محلو
صدى وبنوتى ولا على بالهم يمشون بكل ثقه ومب هامنهم شى
مفارق الخلان:هيه فهمت عليك (تو الناس) وانت بعد محلو بس اقول كم رقمك نسيته ذكرنى فيه
ويقول ابو فارس الرقم بصوت عالى هاه حفظته
مفارق الخلان: والله مب متاكد تقدر اتعيده
ويعيد ابو فارس الرقم
مفارق الخلان: خلاص حفظته رقمك .......... صح
ابو فارس: صح رقمى ..........
بنوتى:صدق ما يستحون اونه يقول له الرقم وهو يقصدنا خلينا ارد عليهم
صدى:فديتج خليهم اذا ردينا عليهم بيتمون ورانا
المهم دخلوا المارينا صدى وبنوتى يتشرون اغراضهم ابو فارس ومفارق الخلان وراهم (حشى اول مره يشوفون بنات)
صدى: بنوتى حبيبتى ترانى يعت ابا اكل
بنوتى:وانا بعد يالله خلينا انروح نتعشى
راحو يتعشون وهم يالسن على طاولتهم يلس ابو فارس ومفارق الخلان في الطاوله اللى عدالهم وكل واحد فاتحه عينه وحلجه
اتقولون شايفين اكله مب بنات بسم الله منهم
ابو فارس : شو رايك انروح نيلس معاهم
مفارق الخلان:شو انت ينبت تباهم يفضحونا في السنتر
ابو فارس:لا ما راح يفضحونا ما اتشوفهم كل مره يطالعونا يعنى عادى
مفارق الخلان:لا حبيبي مب عادى اذا انت ناوى فضيحه انفضح بروحك
ابو فارس:انت ليش خواف
مفارق الخلان:مب خواف بس ما احب المشاكل
ابو فارس:ما راح يصير شى انت بس شوف شو بسوى(وايد واثق الاخ طالع فيها طلعه)
مفارق الخلان:الله يستر من اللى راح يصير تراه اذا صار شى انا ما اعرفك(صج نذاله)
ابو فارس:اوكيه بس انت تم مكانك
وقام ابو فارس بيروح عند صدى وبنوتى انتبهت بنوتى على انه ياي صوبهم
بنوتى:صدوى حبيبتى شوفي منو ياي صوبنا
صدى:لا ما اصدق صج هذا بايعها
بنوتى:شو انسوى
صدى:ولا اتخافين انتى بس خليها على(ياويلى انا على البنت الجدعه)
بنوتى: اوكيه
واول ما وصل ابو فارس قال:السلام عليكم
بنوتى وصدى: وعليكم السلام
صدى:خير اخوى فيه شى
ابو فارس:لا والله بس حاب اتعرف
صدى:احلف بس انت وى ويهك
ابو فارس:شو بلاه ويهى
صدى:انت شفته في المرايه قبل لا اتقول ابا اتعرف
ابو فارس: الحمد الله شفته وكل شى في مكانه ليش خشمى متحرك ولا عينى محوله
صدى:انتكت انت ولا اتحاول
ابو فارس: لا اقراء جريده
صدى: ياويلى على خفت دمك
ابو فارس: عشان خاطر عيونك اخليه ثقيل
وفي هذا اللحظه ياهم صوت من وراء ابو فارس
سعيد العمري: خاطر عيون منو
ابو فارس بعد ما صار ويه اشاره مرور وفتح حلجه مب عارف شو يقول
سعيد العمرى: انت ايه اكلمك عشان خاطر عيون منو هذيل خواتى عندك شى واقف معاهم
ابو فارس: لا بس الاخت وقفت عدال سيارتى (هذا عذر يعنى اكيد بتوقف عدال اى سياره بس مسكين من القفطه مب عارف شو يقول وقام يخور في الرمسه)
سعيد العمرى: وخير ياطير شو يعنى باركن ابوك هوه
ابو فارس: لا قصدى انى مشبه عليها اتحريتها بنت عمى
سعيد العمرى: احلف بس انت
ابو فارس:السموحه اخوى بس ما صار شى
سعيد العمرى:ليش كان ناوى يصير شى
ابو فارس:لا ناوى ولا شى والسموحه الحين اربيعى يترينا
سعيد العمرى: فمان الله
وراح ابو فارس يلقط ويه عند مفارق الخلان اللى كان ميت عليه ضحك على الموقف اللى صار له وصدى وبنوتى خلاص شوى وراح ينفجرون من الضحك

والسموحه من ابوفارس ومفارق الخلان وسعيد العمرى لانى اخترتكم بس لانى بعدنى ما عرف حد في المنتدى وشفت اساميكم
وحطيتها
شو رايكم ان شاء الله بس عجبتكم قصتى

اشكر اخوى مفارق الخلان على التوقيع