طلقتـها :: قالت وش اقول لهـلي=قلـت الحقيقه قالـت اخلف يــدرون
اسمع عليك الله :: تفـكـر بمهلـي=اهلي اذا عرفوا: ترى الناس يـدرون
تدري بمـا سويت و ادري بفعـلي=والصمت حكمه واترك السـر مدفون
اللي جرى ماكـان والله سهلي=فكـر وش العالم بما صـار يقولـون
مهما جرى كنت امس بيتي وبعلي=لو صابتك شوكه غدا القلب مطـعون
عنها وعن ما قالته دار و جـهـي=تاخذ وتعطـي وحـدها مـثل مجنون
تسال تجاوب صرت لاهي وملـهـي=عنـها بدنيـا ثانيه صـرت مــرهـون
قالت قم اسمع فكرتي قلت وش هي=قـالـت ورب الـبيت ماكـنت مغـبـون
اقـول :: لهلي كان بسباب جـهـلي=والعيب عيبي و أبن الأجواد ممـنــون
انــا بتقصـيري و طبعـي و فعــلي=كنت السبب فيما ترونه و مـا دون
قلت انتي ادرى قاـت الـرب يدري=قلت النهـايه قالـت اخـاف يبــكـون
اهلي ترى يغلون با الفـعل قـدري=واهلـي تـرى فـيني حشا مـايـظنون
هـذي حـلولي وانت لازلـت بـدري=عنـدك حـلـول ثانيه قـلـت يــدرون
مـاهمني هيا ارحـلي ضاق صـدري=قـالـت تفــكـر قـلـت فكـرت ملـيـون
وادعتها و الـدمـع بالـخـد يجــري=وابعـدتها كـني لها كـنت مـديـون
يومــيـن و الثـالـث تمـنـيت قبـري=يــوم اتـذكـر قولـها منت مغبـون
قمت اجمع اغراضي من الصبح واجري=من قبل مافيها القرايب يشـدون
لــقيتـهم شـدوا مـن الصــبح بـدري=لـديارهم ياهون حـالي وياهون
انـااشهد اني بعـت وارخصـت قـدري=وانااشهداني بعتهم يوم يشــرون