على طاري الحوت يا مهندسنا ؛
تذكرت ابيات اهديت لاحد الاخوان
تنكسي يالقصايد واطربي ها لناس
خلي القلوب اليتيمه تحضر الحفله
تنكسي والقوافي تعشق الغطاس
الي يغوص المحيط ويعرف القبله
وانا في محيطها ما صفق الاخماس
والقرش والحوت لا ينشب ولا انشبله
ابحث عن الدره الي تشبه الالماس
وان كان ما جبتها ما جبتلي هزله
هذي قوانين فكري والحروف اقياس
والهمز واللمز يطربلي وانا اطربله
كلمه على كل مشراف له نوماس
اخير من عشرة ما سميت جزله
والشعر له رمعته والخاطر الحساس
ياخذ منه عازته والعلم يوجزله
وبنات فكري تراقص دقت الاجراس
وتلاعبه لعب عنتر في غلا عبله
شاعر قريحته ما تقفل على الافلاس
يراهن بهاجسه والدبره من الله
هذي مشاعرنثرها القلب في قرطاس
للمشعلي قدوة الطابور عبدالله