المشاركة الأصلية كتبت بواسطة ذات الشان

حبيت ارجع اكمل وجهة نظري واكد في البداية ان الموضوع ما يتعدى كونه ( روايا ) وفشة خلق
قصدك تفشين خلك فينا ههههههههههههههههه
مقبوله ولا يهمك وخذي راحتك كلنا اخوة والروايا تقعد في الحدبة ما بناخذ منها شي

الاخت اظن طيف الذكريات سألت سؤال منطقي جدا ويرد على كل المعترضين ومع ذلك محد جاوب عليه وهو وش الفرق بين ان المرأه تركب السياره مع سائق او لوحدها وبغياب الزوج والاهل كلهم
صحيح وش الفرق ؟
اولا اي شخص يتقدم سائق من المفترض ان تكون زوجته معه
وفي اي مشوار مع العائلة او لوحدها لا بدا ن ياخذ زوجته معه

هي طالعه طالعه وبالعكس لوحدها بدون السواق اكرم لها واشرف على الاقل ما يقعد يتنرفز عليها ويخنفر لو طال المشوار والا صيحوا البزران في السياره والا غيرت رأيها بين مشوار والثاني
وغير كذا افضل لها من انه يكون معها رجل اجنبي
انتو احكموا ايها احسن انها تكون لوحدها في سيارتها والا لما يكون معها شخص غريب سواء سائق خاص او سواق تاكسي ؟
المتنرفز والمتنخنفر اذا فيه رجال في الاسرة يكسر خشمه ويخليه يمشي ولا يسال لو يجلس يومين لأنه لو تاخر راتبه يوم قام الدنيا واقعدها ,
ليه نفترض ان المرأه اذا طلعت بالسياره لوحدها انها رح تسوي شي غلط والكل عارف ان المرأه السيئه والله ما يسيطرون عليها لوحطوها في سجون جوانتانامو الخربانه خربانه وبيعجز فيها الشيطان
وليه نفترض ان المرأه نعجه وصيده سهله لاي ذيب في الشارع وانها بمجرد ما تطلع رح ياكلونها
مهي تطلع الان وبدون محرم وبدون اي احد من اهلها وتروح دوامها وترجع منه وتروح مشاوير بالهبل يوميا ولا جاها شي
اذا حصلت ظروف غصب حادث او اي شي فهو حالات نادره ولاتعتبر مقياس
طيب ليش الحكم علينا نحن المعارضين بان العيب في المرأة
ليش ما يكون العيب في المجتمع كله ,لأن هذا الامر وفي الوضع الراهن لبلادنا بيكون شي غريب .

انا شفت في دول الخليج جيراننا ماهم بعيد عنا وظروفهم تشبه ظروفنا وعايشين عادي حريمهم يسوقون واللي متستره واللي كاشفه كل وحده ومدى طاعتها مامنعتها السياره من الحشمه ولا اجبرها وجود السواق عليها
اليمن حريمهم مايفكون النقاب ويسوقون جيوب في جبال وحتاريش ما يمشيها الرجال برجوله ومع ذلك ما تفك نقابها ولا عبايتها وتسوق سيارتها وش بداها عنا ؟ والا هي متمسكه بدينها واحنا لا ؟
وش خلا حريم الناس موثوق فيهم اكثر من السعوديات ؟
والدليل انه فيه بعض الناس يقولون نستقدم سائقات بدال السواقين !! أمما مابقي الا هي
بصراحه من نقاشكم هنا ونقاشات في الموضوع ذا في المنتدى هنا وفي غيره الفكره اللي راسخه في اذهانكم ان المرأه السعوديه ما تصلح تسوق السياره
طيب ليه ؟
بالنسبة لدول الخليج والدول العربية هذا امر طبيعي من حين دخول السيارات بلادهم ,وعندنا في اغلب المناطق فيه نساء يسوقون حتى
السيارات الكبيرة بس الوضع عندهم طبيعي لأنهم بعيد عن المدن والزحمة
ونفس القرية او القبيلة كل النساء والبنات تسوق بس الرشاش جنبها
مافيه سبب واضح والا اسباب ماهي مقنعه المهم انها لاتسوق وبس
طيب لنفرض ان الاجنبية اللي جات من برا سمح لها بالقياده هنا بمعنى انهم اعطوا الضوء الاخضر للمرأه تسوق السياره في المملكة
وساقوا الاجنبيات على اساس انهم يسوقون في بلادهم ياترى الموضوع بيتغير ويصير السعوديه لها مكان ورا الدركسون والا برضه بتقعد ورا وانها ماتنفع تسوق ؟

اما اذا سمحوابالسائقة الاجنبية فأكيد راح يسوقون السعوديات ولااحد يقدر يعترض عليهم حرمه زيها.
سد الوادي
جوابي على سؤلك ماهي الدوافع والاسباب اللي تخليني اسوق
كثيره :
اني قادره انا بالذات على ادراة شؤون حياتي وما ادري عن غيري لكن اقدر امشي نفسي واحب اكون مستقله عن سيطرة شخص اجنبي اقعد اتحاشا زعله كنه من بقية اهلي حتى لايصدم بالسياره والا يخربها والا يعطلني عن مشاويري والا يهرب في اوقات اكون محتاجته فيها
اني اذا بغيت شي اتصرف بدون ما نتظر رحمة احد
اني اقدر احمي نفسي واولادي من خوفي من السواق
اطمن على اولادي واوصلهم بنفسي لمدارسهم
اقضي شؤون بيتي لوحدي
با اخي تخيل نفسك انت في يوم تعطلت سيارتك ووقفت تنتظر فرج الله يجيك مع واحد من اصحابك يمرك والا تدور تاكسي والا تنتظر ولدك والا اخوك يتنازل ويوصلك
نفس الشعور يجينا ترا
ما تشوفين هنا انك همشتي دور رب الاسرة بالكامل
لما نطلب من الزوج أو الأخ أو الولد انه يوصلنا مشوار ( تافه والا مهم ) نجاوب على عشرين سؤال الين يقول طيب وذا الطيب وراها اف .. واش فيه ..وليه.. ومتى تخلصون.. وفكونا ..وعطلتونا ..واخرتها ..ومتى تنتهي ذا المشاوير ..وانتو ما تقعدون في البيت ..واشغلتونا ..وياويلها لو كان المشوار لمجرد انها متضايقه وودها تطلع من البيت ..وخذ من هذي المواويل الين نكره المشوار باللي فيه
مو لازم تكون المشاوير يومية يعني اذا المرأة رتبت وضعها مع زوجها
ونظمت حياتهم صح مستحيل يرفض لها طلب من هذه الطلبات
إلا اذا كان لديه التزام اهم .
اما كل يوم سوق ويوم تمشية ويوم زيارة امي ويوم الخياطة ويوم متضايقة ودي اروح لصديقتي .. ما صارت حياة ..ومعه حق اذا رفض
لو فيه مريض بالمستشفى ولازم نزوره واوقات الزياره محدده واللي معاك ماله مزاج يترك نوم العصر ويوديك واذا ركب السياره الا حواجبه ركبت على بعض من كثر ماعقدها ولا احد يقول له ثلث الثلاثه كم
هذا غير اللي في الشارع كم يجيهم من سخط لانهم مشوا من جنبه وهو ماله مزاج
طيب اذا داوم الى الساعة اثنين ورجع البيت اثنين ونص مو من حقه يريح ساعة الى العصر .
ولا يرجع من الدوام والواحدة بالعباة والشنطة عند الباب ظني لو كان ابوها ميت ما اروح ..
واذا كان السواق عاد حكاياته ما تنتهي خذ ريحه معفنه خذ نفس خايسه خذا اخلاق من جنبها خذ سرعه ومخالفات وساهر يستلط على سيارتك من دون الناس كلهم
طيب كل ذا التعب ليه ما نختصره ونسوق احنا ويصير المطلوب الاذن من معالي الزوج الكريم ونروح بسلام ويادار مادخلك شر
ترا لانبغا نفحط ولا نخرج برا المدن ولا نسافر ولا نتفشخر بالسيارت نبغا باختصار شديد ( استقلالية ) هذي هي
بس الاستقلالية ما تشوفين انها خروج عن نظر
برضه لا تفهمين غلظ ,ماهو كلامي انها ممكن تلف يمين ويسار
ولكن هنا لو حصل وتعرضت لمشكلة اما حادث او مخالفات , مين الشخص اللي ممكن تلجأ له ؟؟ غير الزوج
انا قلت كل اللي عندي وشرحت وجهة نظري واخذت راحتي بما اننا في الصباح والجو رايق والمنتدى مافيه احد
واهم شي ان الشوارع فاضيه اللي عجبه كلامي يروح ياخذ له كوب كوفي لاتيه من اقرب مقهى
واللي ماعجبه انصحه بكوب ليمون بالنعناع مع شوية ثلج يبرد عليى القلب ويريحه
بالنسبة للكوني فأنا قد افطرت خلاص ينفع كوب شاهي منعنش او محبق او مبردق (بردقوش)
وفي النهاية ترا مثل ماقلت لكم في البداية انها ((( روايا )))

وفي النهاية برضه مازال العلم روايا في فيايا


وتحيتي لكم جميعا .