صح السانك والله يعين حبيت اجاريك على الطاير
*******
الا يا ساحر الكلمه قريت القاف هذا اليوم
وانا عارف سبب همك وجرح القلب واسبابه
ولكن هذي الدنيا ولاشيءٍ عليها ايدوم
يكون الخالق الباري منير الحق بكتابه
وبحر الحب موجه ينتهز من لا يعرف العوم
ولا يصعب على العاقل سوى جرحٍ من اقرابه
وانا شايف مصايب قوم يعقبها فوائد قوم
واشوف اجروح مختلفة واشوف اجروح تتشابه
ولكني دعيت الله يفرج كربة المظلوم
وينصف نفس مظلومة ويجبر روح منصابه