الا وجد حالي وجد من يرجي القصّار
تباريه بقعاء من سوى الهم وتلوفة
على بو جعودٍ طبعه الجحد والانكار
يهز الهواء الغربي معالقه واردوفه
لعبّه زمانه في الهوى لعبة المقطار
الين اصبح ايصفق مع الوقت بكفوفه
ولو كان يدري ان الزمن جاير وغدار
ما كان ايتكبر بين شلفاه واسيوفه
على الله يتوب ويبتني له بصدري دار
ويسمع صدى صوته في القلب وادفوفه
ويكتب على نفسه تعهد معي واقرار
وانا قابل اعذاره ولو كان محروفه
على شان ما اجازيه واعطيه لفت انظار
ولا يسمعون الناس عن كسر مجدوفه
مع العلم يدري اني عنه سامع الأخبار
واقدره واعزه واباريه واشوفه
وذكره معي يبقى لجور الزمن تذكار
ولا ينكر الطيب وينسيه معروفه
واختم القصيدة قبل ما اتوه الزوار
تكفي حكمها اللي بالأمثال منصوفه