بمناسبة الصوره هذي أحب أقولكم أنه أبوي
من كثر دخلاته في الأحراش والغابات
ومشيه في طرق غير مناسبة للسيارات
جاب العيد قبل يومين من السفر
والحقيقة انه جاب مصيبة
دخلنا في مكان صعب
ولفلفنا لين تهنا
وزاد الطين بلة انه كان في مطر
والأرض كلها وحل
فوقع المحظور وغاصت كفرات السيارة في الأرض
والمصيبة انه ما باقي إلا شوية وتظلم الدنيا
وعصبت أمي
أبوي قال يالله انزلوا معاي نحفر تحت الكفرات
وأمي تحفر وهي ما تعرف
وقعدوا يحفرون أبوي وأمي وعمتي وأختي الكبيرة
وانا قالولي والله لو تنزل من السيارة لتاكلك كف عمرك ما أكلته
وأبوي بصراحة اشتغل شغل جبار راح يقطع من أغصان الأشجار اللي في الغابة
ويحط تحت الكفرات
وبعد ساعة من الحفر وتقطيع الأخشاب ركب أبوي السيارة وشغلها
والنتيجة انها ما تتحرك ولا سنتيمتر واحد
يعني وقعنا وقعة سوداء
قال أبوي خلوكم هنا ولا تتحركوا وراح يجري
واختفى عن أعيينا
ونحن جلسنا ننتظر ولم ننطق بكلمة
ومع حلول الظلام






جانا الحراث
وأبوي راكب معاه
وجابوا معاههم واير
وشبكوا الواير في سيارتنا وسحبوها

::::::::::::::::::::

يالبيييييييه يالألمان
عز الله انهم أهل فزعة

عاد أبوي بعد ما طلعنا يقول انه شاف بيوت على بعد مسافة وراح ودق عليهم
البيت الأول قعد يشرحلهم المشكلة وما عرفوا كلامه ولاعرف كلامهم
والبيت الثاني أرسلوه على جارهم .. قالوا عنده ولد يعرف انجليزي
وبالفعل راح لهم وشرحلهم المشكلة
وقام الولد بالترجمة لأهله
ثم قالوا لأبوي:
ابشر بسعدك
قوم يا ولد يا شنايدر خذ الحراث وروح افزع مع الرجال

:::::::::::::::::::::





رجعنا البيت




أنا وأختي جاييين من البحيرة






يوم آخر ومجموعة من الصور












هماليل المطر ..



وحُق للأرض أن تخضر والمطر لا يفارقها







الولد الألماني شنايدر اللي طلعنا بالحراث
قعد أبوي يدردش معاه شوي
-قاله أبوي وش تشتغل ؟
-ما عندي شغل
-ليش ؟
-توي متخرج والوظائف صعبة
-طيب وش تتمنى تشتغل
-سائق شاحنة
-أفا .. ليه ؟
-الراتب كويس
-كم ؟
-1500 يورو (حول 8 آلاف ريال)
-طيب الكاشير في السوبر ماركت كم ياخذ؟
-تقريباَ 1200 يورو (6500 ريال)
-ماشاء الله ..
طيب يا شنايدر حنا ودنا نمشي .. أي خدمة ؟
-شكراً
-لا تنسى تسلم على الوالد












باااااقي ماشاء الله