تذكرتك و انا اللي من عرفتك ما قدرت انساك
....و لكني ذكرت اني بغيتك ف يوم نسيانك
صراع بين قلبي و بين عقلي و بين هم فرقاك
....لقيت ان العقل يفقد صوابة يوم هجرانك
لقيت ان العمر ارض خصيب و موتها بجفاك
....لقيت اني ورق اخضر نما يروى من اغصانك
لقيت انك فرح يسقى سنين من الجفا بلاك
....لقيت ان العروق اوتار توالف نغمة الحانك
حياتي كلها انت و لا تسوى ابد لولاك
....مثل ريشة بعصف الريح تدور راحة احضانك
و لكن لعبة الاقدار و كالعادة مع مضناك
....عطاني ياك حظي ثم شالك وقت حرمانك
رحلت بصمت ..انا ادري ..و اخر كلمتك اهواك
....تظن القلب ما يشعر حبيبي بقرب فقدانك
امانة يا بعد عمري اذا خذك الطريق هناك
....تذكر من وهب عمره رغم ياسة على شانك
تذكرتك و انا اللي من عرفتك ما قدرت انساك
....اشوف الموت اهون من مجرد ذكر نسيانك