وابعدت عنك وفي غيابي أنا ابطيت=حتى نسيت الحب دقه وجله

تقول أبي قربك وأنا اقول ما ابيك=كافي علي جرحن من سنين ما لان
طبع الخيانه مبدأ من مباديك=تضحك على قلبي بحبك وتحتال
لا بعتني برخيص وشلون أجازيك؟=حتى بعد ما اخذت من بيعتك مال!
اذكر ليالٍ ماضية من لياليك=حطيت لك في مسكن العين منزال
قلّي وش اللي تطلبه بس واعطيك=واحقق اللي ما تمنّاه بالحال
فرشت لك ورد وزهور بأراضيك=فيها شجر وأنهار وفيها لك ظلال
يا للأسف بعد الوفا خاب الرجا فيك=تحطمت كل الأماني والآمال
علّمتك الرمايه....ويوم اشتدّت أياديك=رميتني مقتول في ساحة قتال
إن كانت أفعالك على الغير ترضيك=لا تزعل إن جازوك من جنس الأعمال
بيتك من زجاج وترمي اللي يعاديك=دامك تطول الغير لابد تنطال