يحسبني يوم سلم ما سمعته ............ سامعه...بس إني اتغلى عليه

بس قلبي حاول يرد ومنعتــه ............. لا ترد .. وسو نفسك ما تبيه

قلت ابثقل.. ثـقلي ما استطعته ....... و ابتسمت.. و جيت لمعانق يديه

قال احبك.. وقلت حبك طبعته ........ من زمان.. بخافقي ما احدٍ يجيه

قال بدري.. قلت اللي جمعته ........ من كلام .. وقال أنا كنت احتريه

حبه اللي داخل نفسي زرعته ........ يشربه قلبي.. و روحي ترتويه

قدره اللي بينهم عندي رفعته .......... عن سواه ويصعب التشكيك فيه

يحسب إني يوم ما رديت بعته ....... ما درا إني بكل عمري مشتريه

والصراحة يوم سلم ما سمعته ......... كنت أفكر.. كيف أنا اسلم عليه