يا سوالف حلمي اللي زارني البارح وراح
ما قدرت آخذ من أعلومه ولو شي قليل
عانقتني السالفة كنها تباشير الصباح
ما تخيلت السوالف وما تخيلت الرحيل
يوم فارقني خياله طرف عيني ما استراح
غايته شوفت حبيبه وغيرها ماله بديل
ما يسليني بغيابه غير نوحي والصياح
ودمع عينن على وجني يهمل هميل
ياحسافة ما بقالي غير همي والجراح
ويش أسوي في حياةٍ مالها عندي دليل
ألبقا براسك اقليبي ما بقى أحد بالمراح
كلهم شدوا وخلوني بأحضانك عليل...
|