قصيدة دايم السيف ( الامير خالد الفيصل )
وقد قالها في صاحب السمو الملكى الامير سلطان بن عبدالعزيز
وغناها محمد عبده وكان من افضل اغانيه
للدار وحشة عقب سيد هل الجود = وعيني غشاها عقب شمسه ظلالي
ما لوم رجلك لو شكت كايد الكود = اتعبتها ترقى سنود المعالي
للجسم حد وغايتك مالها حدود= ظلمت نفسك من قديم وتالي
تمشي وعرها كنه سهود ومهود = لله درك ما تغاليت غالي
ما تنتظر للجود يا شيخ مردود = تشرب مرار وتسقي الغير حالي
ما ينثني عزمك خطير على الزود = من عالي تجمح على راس عالي
يا طيب طابت لك البيض والسود = أسرت في حبك قلوب الرجالي
يفوح مع ذكرك شذا الورد والعود = وكل ينعم لك الى جا مجالي
مرضك يمرضني وسعدك لي سعود = ياليتي انقل عنك ضيم الليالي