يمّه اليّ حب له طفلة صغيرة=وش يسوي لاغدى فيها طلايب
طفلة ماكانت بحبي جديرة=بس كانت غـير عن كل الحبايب
عـرفتني الليل ونجوم الظهيرة=بللتني بأغـنيات ورحت طايب
كل عـرق في خفوقي تستثيره=خايف تصبح مراجيحه نصايب
صنتها مثل البحر لأبعـد جزيرة= ماتركت عـلومها لأهل الركايب
ديرة ماهي بها ماهي بديرة=لو ثراها عشب وأعلاها سحايب
ما جزا اللي حب له طفلة صغيرة=غير قبر وضحكها فوقه نصايب