السلام عليكم ورحمه الله وبركاته

بما ان الكل يسالني عن سر قهوتي وطعمها اللي يصك الراس
والشاهي اللي يمخمخ

حبيت اعطيكم الطريقه بالضبط
واهم شي تصلحينه بمزاج رايق

تاكدي طفشانه زعلانه الله لايهينك لاتدخلين المطبخ

شغلك كله بيصير ماله طعم وماااصخ

يوم انك تروقين المانقا

ابدائي وبتشوفين كيف النفس الحلوه لها تاثير عالطعم وهالكلام علمي ومجرررررررررب

مالكم بالطويله

اول واهم شي

المويه تكون اما مفلتره او مويه صحه

السر الثاني
هذا المزيووون







لاحد يكح ويقول غباااار
ويااي ايش هدا فين عايشه انتي

ادري اناا ب 2012 واحناباقي نحط السكر بفنجان القهوه هههاااي
اتحدى مافي وحده بالسعوديه ماعندها فنجان قهوه داخل برطمان السكر لاوالسكر ناشب فيه

نعود لمحور حديثنا

شفتو القولد مان اللي فوق ذا

البراد هذا هوالبطل والله السر انه فيه

خذو الاصلي فيه تقليد منه احذروه بيعفس ام الشغله

خصصي واحد للقهوه واحد للشاي

نجي للطريقه

الشاي

فوري المويه عادي بالغلايه لحد ماتغلي مضبووووووووووووووط
خذي البراد المذكور اعلاه وحطي فنجان ونص سكر وخليه على نار هاديه بس السكر في البراد لحد ماتبدأ
اطراف السكر تحمر وتذوب شوي بس لاتحرقين السكر عشان لايطلع مر وطششششششششششششششششش
صوبي المووويه المغليه عالسكر وخليها شوي تغلي بعدين حطي الشاي
الربيع اكسبرس او كبوس هم الافضل وشوي تغلي عالنار
غلوتين تقريبا

وطفي الناار واستمتعي باطعم شااااي بالوجووود

يصكع هنا محل العقال


يجيك خاثر وكانه مدخن وشي لايوصف

وقولو ذوق ما قالت

طبعا اللي تحب تضيف اضافات حبق اونعناع ...الخ
تحطها قبل الشاي يعني مع الماء والسكر بس

خلصنا من الشاي

نجي للقهوه

نفس الشي مويه مفلتره اوصحه مغليه تحطينها بالبراد الاصفر صاحبنا اللي فوق
وتحطين ملعقتين كبيره مليانه من البن الهرري << المفضل عندي حمسه وسط
ملاحظه ؛؛انا ملعقتي الخزف تبع طقم زبديه الشوربه معتمدتها ومقداري تمام

وخليها عالنار لمده نصف ساعه<<مهم جدا عالاقل
طبعا لاتغطين البراد اثناء غلي القهوه<<<سر

تطحنين الهيل بنفس اللحظه مو تطحنينه وتحطينه بعلبه يقعد شهور بيطير اكثر النكهة ويصير ماله طعم <<< سر
وتحطين ملعقه كبيره هيل في الترمس
واحيان ملعقتين
وشوي زعفران وتصبين القهوه عليها
وغطي الترمس

ولاتقدمينها ع طول خليها لوربع ساعه تستوعب<<< حلوه تستوعب ههههه

اقصد تاخذ طعم الهيل ويذوب الزعفران



وسلامتكم

لااسمع وحده بعد هالموضوع تقول مايضبط الشاهي ولا قهوتي مالها طعم

اتحدى
اتحدى
اتحدى
وبكل ثقه
طبعا هذي طريقتي الخاصه اللي انشهرت فيها والحمدلله الكل يقول شاهيك وقهوتك غيييير
لكن المسأله اذواق
ناس تحب القهوه بحوايج وخلطات

ناس تحبها ملكيه بن وهيل وزعفران

ناس تحب البن غامق ناس تحبه فاتح

المهم عندك الاساسيات وانتي براحتك بالباقي
البراد
المويه المفلتره
مده الطبخ
جوده البن والهيل والشاي
والمزاج الرايق

ابشركم خلصت

دعواتكم