المشاركة الأصلية كتبت بواسطة ذات الشان غلا...ي

المشاركة الأصلية كتبت بواسطة ذات الشان شبابنا إذا خرجوا خارج المملكه فأول مكان يزورونه هو بار الفندق ومنه لكل كابريهات وملاهي البلد وما يصحى الا وهو راجع للمطار هذا ان ما ركب في طيران غير الخطوط وكمل الكم ساعه الباقيه وهو في تيهان طبعا ماهم كلهم لكن عد واغلط صحيح كلامك ... ليه طيب ؟ وهم تربوا على الدين والادب والاخلاق واحترام النفس والسيطره على الشهوات ؟ ليه اول شي يسويه الشاب اذا وجد فرصه انه يرتكب كبيره من كبائر الذنوب ليه لازم تكون الهيئه واقفه على روسهم علشان لايتحرشون بالنساء وحتى لاتتحرش بهم النساء ؟ صحيح تربوا على الدين ووووو لكن لفترة سيطرة البيت عقبها أصبح رجال من معتقد أفكاره وهو أصبح هامل ضعيف وازع ديني ومعرض للإنحراف مجرد تأشيره والسلام .. احتفال بيشه في المقطع اللي اضافه المهندس بالله ما خلاك تضرب كف بكف هو بحضرة الرجال ممتع واحب البسطه وكذا لكن بتواجد النساء وبالشكل ذا والله شي يقهر وربي .. لا فيه خطوط حمراء لايجب تجاوزها .. انا عورني قلبي الحين ممنوع تسوقون ممنوع تروحون السوق لحالكم ممنوع تسافرون بدون محرم ممنوع البنات يشتغلون كاشيرات في سوبر ماركت ممنوع البنت تدخل جامعة الملك عبد الله لانها مختلطة حتى مدارس الصغار يوم فكروا يدمجون الصفوف الدنيا مع بعض قامت الدنيا ولا قعدت الى الان لو جاتها وظيفه في مستشفى ياويلها لو تفكر بس مجرد تفكير انها تقبل وينهم الحين ؟ اش بنا ماشفنا احد قال حرام وممنوع الاختلاط وياليته اختلاط وبس سيق وقلته في أحد المداخلات سابقاً .. كونه أمر سامي فلا أحد يقدر يردد كلمتين على حالها .. وينهم عن اللي في الحفل الراقص وكله مع كله ودئي يامزيكا والاسمراني ركبته عشره شياطين غير اللي توزعوا على الحاضرات والحاضرين وماهي مشكله هذا احتفال بالوطن ويغنون للملك عبد الله صار حلال يعني !! الشباب لاصقين بالحريم اللي ماعادت تدري الوحده وين راحت يدها من كثر الانفعال والرقص !! يعني لو كان رابح صقر والا تامر حسني اللي يغني كان كلفتوهم كلهم في السجن وقامت قيامتهم كلهم وما ادري اش يفرق ذا عن ذا طبل وزمر واورج واستعراض وهز وكله في سبيل الوطن هل بس صار اللي يسوونه حلال علشانهم يغنون للوطن !! يابلادي واصلي والله معاك واصلي .. الله يسترنا دنيا وأخره والله كلامك يعور بعد بس هل من مجيب ؟ يا شيخ لا تدقق خل اللي وده يحتقل يحتفل واللي ودها ترقص عساها ما توقف واللي ماوده مثلنا يقعد على النت يشوف ويكتب كلام لا يودي ولا يجيب ولا حد سمعه ولا دري عنه غيرنا هذا حالنا وحيلتنا وش بنسوي يعني .. لاجديد تحت الشمس .. على الاقل من باب من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان . صدق رسول الله عليه الصلاة والسلام اللهم اصلي واسلم عليك يارسول الله .. عين العقل .. نقطه اخيره يا غلا..ي انا واثقه وواثقه جدا انه لو الملك عبد الله يدري عن هذي المخازي والله ما يرضا بها كذلك أنا اتوقع نفس المشاعر لأنه رجل لايحب مايغضب الله ... الله يرحم الملك عبد العزيز يوم كانو يجلدون اللي يسمع اغنيه من الراديو في عهده ولا اللي يطول ثوبه كانوا وراه بالعصا قصر قصر قصر ... دمتم طيبين وسعداء ..

وانت طيبه وتسلمين على تشريف الموضوع وإضافتك المعبره عن المقهور اللي مافي يده حيله .. جميعنا نفس المشاعر وبالدعاء لله إن شاء الله تنزاح المآسي ..