غلا...ي
شبابنا إذا خرجوا خارج المملكه فأول مكان يزورونه هو بار الفندق ومنه لكل كابريهات وملاهي البلد وما يصحى الا وهو راجع للمطار هذا ان ما ركب في طيران غير الخطوط وكمل الكم ساعه الباقيه وهو في تيهان
طبعا ماهم كلهم لكن عد واغلط
ليه طيب ؟ وهم تربوا على الدين والادب والاخلاق واحترام النفس والسيطره على الشهوات ؟
ليه اول شي يسويه الشاب اذا وجد فرصه انه يرتكب كبيره من كبائر الذنوب
ليه لازم تكون الهيئه واقفه على روسهم علشان لايتحرشون بالنساء وحتى لاتتحرش بهم النساء ؟
احتفال بيشه في المقطع اللي اضافه المهندس بالله ما خلاك تضرب كف بكف
انا عورني قلبي
الحين ممنوع تسوقون
ممنوع تروحون السوق لحالكم
ممنوع تسافرون بدون محرم
ممنوع البنات يشتغلون كاشيرات في سوبر ماركت
ممنوع البنت تدخل جامعة الملك عبد الله لانها مختلطة
حتى مدارس الصغار يوم فكروا يدمجون الصفوف الدنيا مع بعض قامت الدنيا ولا قعدت الى الان
لو جاتها وظيفه في مستشفى ياويلها لو تفكر بس مجرد تفكير انها تقبل
وينهم الحين ؟
اش بنا ماشفنا احد قال حرام وممنوع الاختلاط وياليته اختلاط وبس
وينهم عن اللي في الحفل الراقص وكله مع كله ودئي يامزيكا والاسمراني ركبته عشره شياطين غير اللي توزعوا على الحاضرات والحاضرين
وماهي مشكله هذا احتفال بالوطن ويغنون للملك عبد الله صار حلال يعني !! الشباب لاصقين بالحريم اللي ماعادت تدري الوحده وين راحت يدها من كثر الانفعال والرقص !!
يعني لو كان رابح صقر والا تامر حسني اللي يغني كان كلفتوهم كلهم في السجن وقامت قيامتهم كلهم
وما ادري اش يفرق ذا عن ذا
طبل وزمر واورج واستعراض وهز وكله في سبيل الوطن
هل بس صار اللي يسوونه حلال علشانهم يغنون للوطن !!
يا شيخ لا تدقق
خل اللي وده يحتقل يحتفل واللي ودها ترقص عساها ما توقف
واللي ماوده مثلنا يقعد على النت يشوف ويكتب كلام لا يودي ولا يجيب ولا حد سمعه ولا دري عنه غيرنا
على الاقل من باب من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان . صدق رسول الله عليه الصلاة والسلام
نقطه اخيره يا غلا..ي
انا واثقه وواثقه جدا انه لو الملك عبد الله يدري عن هذي المخازي والله ما يرضا بها
الله يرحم الملك عبد العزيز يوم كانو يجلدون اللي يسمع اغنيه من الراديو في عهده
دمتم طيبين وسعداء ..
|