القلب في سوق الهوى لجلك يغيض ويمتلي
ماهوب راعي مساومه اما اشتره ولابعه
يوم الشعور مداوله وش قلت لك وش قلت لي؟
راجع حديث العاطفه واغتص دربه واتبعه
ولابلاش انسى مافات ومات واسمع ما يلي
لاتترك الملتاع واقف لك على راس اصبعه
لاتكسر شداد الجمل لين اكل اللسان الطلي
واليا نهض حظي وحظك شق صدري واجبعه
من قال لك ما الحب الا للحبيب الاولي
ياخامس احبابي معك نسيت حب الاربعه
اضحك معي واضحك معك لاكن لاتضحك علي
طبعي على شانك تعبت اعوبله واطوبعه
شتتني وانا عليك اميح ميحات الدلي
ودخلتني فالزوبعه وانا ماعرف الزوبعه
وغنيت لك قافين والمعنى على وجه(ن) جلي
اختر حداها واحفظه وافتح ضلوعك واطبعه
واقولها وان ماتلقيتك تلقيت الخلي
يامنبع الحب الحقيقي علني من منبعه
ارجو ان تنال استحسانكم