زين التواصيف
يالله في قافٍ يعد لي الكيف
في حزةٍ فيها المشاعر هيامي
فية اتطرق وصف زين التواصيف
اللي تجيني صورتة في منامي
راعي رسومٍ يعتلي لونها الطيف
نظرة عيونه مثل ضرب السهامي
لا صوبت قلبٍ يحب المراهيف
يبطي وجرحه من سبايبة دامي
والخصر فرقه بينٍ ع المراديف
متشمرٍ كنّه يشدّه حزامي
والصدر يزهى بالثنين المواليف
مزبورةٍ من توها ما توامي
والخشم يشبه بالمثل سلة السيف
ما ينحجب لو غطتة بالثامي
والمبسم ايحلي الثمان المصافيف
اللي تلالا في حما الابتسامي
والى بدا مبدى القمر بالمشاريف
وان دار وجهه مكتسيه الظلامي
وختامها يامن درى بالتواصيف
بلّغه مني المعذرة والسلامي