ابو بندر

من وجهة نظر نسائيه وقد لا تتقبلونها او تفهمونها
المرأه اذا حضرت مناسبة تحب ان تكون متميزه وافضل من غيرها في كل شيء لذلك يهمها ان تلبس كشخه وكل ماكان غالي يكون افضل وماتحب تكرر اللبس وتجي في مناسبات ورا بعض بنفس اللبس لانها رح تفقد تميزها اللي هي حريصه عليه
اللي عندها بنات الله يعينها لان مو بس الفستان لكن له ملحقات يمكن الفستان مايجي نصها
تسريحة ومكياج واكسسوار وشنطة و( الله يكرمك ) جزمه
والبنت كل ماكانت صغيره بالسن تكون ( عله ) ولا يرضيها شي بسهوله تلقاها تدور في السوق الين تدوخ هي وامها وفي النهاية تطلع زعلانه لانها مالقيت شي يعجبها
السوق مليان لكن في راسها شي محد وصل له
نرجع للفستان
فيه شي اسمه ( ثقافة اللبس ) يعني كل ماكبرنا شوية عرفناه اكثر
مثلا :
الفستان اللي لبسته في المناسبه رقم واحد تلبسه في المناسبة رقم سته مثلا مع تغيير في التسريحه والملحقات
يبين غير
واللي لبسته في المناسبه الثانية تلبسه كمان بس مناسبه ابعد شويه ترا الناس ماهم حاطين لها صوره ويقارنون وش لبست اول واليوم هذا تفكيرها هي مو تفكير الناس يعني محد درا عنك
شي ثاني اللي تهتم بانها ماتلبس نفس اللبس فتاخذ لها فستان ممكن تعدل فيه بعض الاشياء حتى يختلف

الحمد لله بامكاني اشتري لكل مناسبه فستان مهما كثرت وعندي كثير الحمد لله لكن والله عندي فساتين بعضها من اربع سنوات ويمكن اكثر لبستها في مناسبات كثيره ولا حسيت انه قل قدري عند احد
القناعه تكون من داخل الشخص وثقته بنفسه هي اللي تخليه يرتقي عن التفاهات والتركيز عليها

مستعجلة وشكلي خبصت الدنيا لكن ان شا الله ان فكرتي وصلت
ويعطيك العافيه .