كنت مجبور ألتحف صمتي واسافـر عـن مكانـي
............اتـرك احلامـي وغاياتـي وخـلاّنـي واسـافـر
اركب اوّل موج ياخذنـي ولا اسـأل عـن موانـي
............وين ترحـل بـي ريـاح الدهـر تلقانـي مهاجـر
شايل(ن) فـي جوفـي اشعـار واناشيـد واغانـي
............وشايل(ن) في جعبتـي حبـر وقراطيـس ودفاتـر
كم سألني الموج وين ارميـك يـا نكبـة زمانـي؟
............قلت خذني وين مـا ودك..(مثـل كـل البواخـر)!
يـا بحـر والنفـس زايـد قدرهـا مهمـا تعانـي
............ما تشوف الـدمّ ينـزف مـن شرايينـي واكابـر؟
يا بحر في وجنـة المينـا رسمـت اغلـى امانـي
............اسألـك يابحرقلـي مـن محـى ذيـك المشاعـر؟
جيت ادوّرهـا مسـا البـارح لقيـت اثـار ثانـي
............واحد(ن) غيري شطب شعري وهو ما هوب شاعر!!
كنـت اظـن الخـط يبقـى رغـم دورات الثوانـي
............مادريت ان الزمن ينسى مـلا مـح مـن يغـادر!!
|