يالطفك ويا عفوك ورحمتك يا رحـــــمن
كريم اذا ضاقــــــــــتك على العبد تفرجيها
ولا نرتجي من غيرك العفو والغــــفران
يا عالم مجرات الكواكــــــــــــب ومـدرجها
على موتر من آخر صناعة الالمـــــــان
عليه اكترونيات صعــــــــــــب برامجـــــها
يفوق المواتر في مريكا وفي اليـــــابان
وفي الصين وفي جميع الصناعات سمجها
ولا بعد ركبوه الدواسر ولا الحضـــران
ولا شيوخ نجد اللي تـــــدرس مناهـــــجها
جفالي مطور صنفه واحد بطــــــــــران
وما ياكل حبوب ولا في الســـــوق روجها
ولا قد عطاه العاشق المغرم الولهـــــان
سجارة حشيش تالي الليـــــــل يــــدرجها
يدرس ثمان لغات من الروس لليونـــان
الى تركيا الى مصر للهنـــــــد يهـــــرجها
تحرك صلاة الفجر من داخل الظهـــران
وصلى العصر وسط الجنيـــــنة ودورجها
وصل عن من يستاهل الشكر والعرفـان
من اقصى جماهيره وهي في مــــــدرجها
مجمع سمان الهرج من زهرة البستــان
مركب بنات الفكر خيـــــــل ويسرجـــــها
اذكى فيلسوف وان تحاكى مع الشيخان
شرح خطر صدور المحبيــــــــن واثلجها
وصل مركز واصل له الهاجري سلطان
مع لجنة صـــــعب تحـــــــدد نتائجــــــها
بديع الزمان اسطورة الشعر والديــوان
كمشكاة والمصــــــــــباح بالنور واهجها
اذا قال كلمة حريت فكر كل انســــــــان
ملك مملكة شعـــــــر تـــــــدرس نماذجها
سلامي سلام الله سلامي لبن جـــــذلان
لسان الخليج الى ادلهـــــــــمت حوائجها
قصيدة محبة ما لها اسم ولا عنـــــوان
الى الاكلبي والطيب والعـــــــــود ناتجها
وعالقافية لو كان ما شابت القيفــــــان
لأعطر بها داخــــل تبالة وخارجـــــــها