يقول دائم السيف
7
7
يامـــــدور الهيــــن ترى الكايد أحلى
اســـــأل مغنّي كايــــــدات الطروقي
الزين غــــــــالي لكن الأزين أغــلى
ولكل شـــــرايٍ بضــــــاعة وسوقي
النورّ عــــالي والســـــما فوقه أعلى
لا فـــاق علـــمٍ جــــــاه علــمٍ يفوقي
الصعب هـــلاّ قلت ياصعب ســـهلا
دامك تبيني فانت ياصـــــعب شوقي
أحب أعســـف المهـــــرة اللي تغلى
واحب أروّض كل طـــرفٍ يموقي
واحب أســــافر مع سحـــــاب تعلّى
واحب فـــوق الغيم لمع البـــــروقي
واحب اســـــاهر بــدري اللي تجلى
وارسم شعاع الشمس عند الشروقي
يامـــــــن على سـاير فوادي تولّى
خلّك على قلب الكــــــرامة شفوقي
أكرم عزيزٍ بالعمــــــــر ماستذلّى
يسوق عمره للمشــــاريف سوقي
اخترتك من النــــــاس للقلب خلّا
ياحيثك مــــــرادي وكيفي وذوقي
مارحت أدوّر كل زولٍ تحـــــــلّى
لولاك تسوى ماعطيتك (خفـــوقي )
لا تســأليني كيف ولماذا
ولا تنشديني مَن أنا ؟
فقط تذكري هذا !!