بسم الله الرحمن الرحيم
السلام عليكم
اليوم ,,
تذكــرت موقف قديم جــداً !!
في احــد المنتديات .. عزمت على المغادرة
استحيت اغادر دون استــئذان
فكتبت لهم هذة القصيدة
وودعتهم بكلـ احترام
أمـا انتم ايها الاحبة فناشب لكم
ماني مغادر - إن شاء الله - والله يعينكم
حبيت اضعها هنا حُبــاً ومونة
واذا كانت دون مستوى ذائقتكم ..
التمسـ منكم العذر
مع تقديري لكم
وداعيــــــة
شلت القلم باكتب على اللـــوح سطرين
طــــــاح القلم واللوح ما كنـــه اللـوح
حالي غـــــــدا مثل الذي صــــابته عين
والا كما طيـــر(ن) في البــر مذبـــوح
***********
فيمـا مضى كنت املك اغلـى المـــزايين
ابيع واشــري خــــاطري دوم مشـروح
واليــوم كنـي راعي(ن) راتبـــه ديــــن
عمـــه بخيـــل وعمته قلبـــها ضــــوح
************
يـاطير ياللي خــافق(ن) بالجنـــــاحين
طالبــــــك بالله لا تــزود بي النـــــوح
وان كان لك درب(ن) على ديرة الزين
قله ترى مغليـك في نزعـــــة الـــروح
************
دمعة حزينـــــة بالمحاجر من اسنــين
سكبتـــها معـ دخـلتي وادي البـــــــوح
حسبي على من لامني م المحبيــــــــن
خَـل الذي مايعرف الحب مسمـــــــوح
************
يا منتـــدى الاحبـــاب عزمت هالحين
اكســـر يراعي واعتزل منــك واروح
اعـــاود اكتب في الغزل بالــــــدواوين
انســــــــج حروف لذائقـة كل مملــوح
واســـــامر العشــاق والا المجـــــانين
واكسب قلوب(ن) للهوى وسطها فوح
وسلامتكمـ
المهنـــدسـ