مرحبا الف بالجميع وشكراً ابو ريان على اختياري في هالموضوع الجميل
وندخل على طول على الاسئله ونقول بسم الله وعلى بركة الله

س /1 هل جربت وقمت بأعداد وجبة صغيره؟
والله طبخت اشياء كثيره وبحكم اني تعزبت فتره طويله مرت علي شغلات مابين متوسطه وصغيره اما الذبائح ماقد مرت عليه
س /2 هل تشعر بالنقص وانت تقوم بذالك او الحرج؟
لا بالعكس اشعر بسعاده بالذات انا نحن معشر الشباب في الغالب مانطبخ إلا للتسلية وماتكون العملية فيها نوع من الاجبار والاكراه
س/3 كيف تشعر وانت تأكل من عمل يدك ؟
والله على حسب الاكله كيف طلعت
وفي الغالب يكون شعور جميل واهم شي يعجب الموجودين
س/4 وماهي الوجبة الي تتقنها ومحد قدك فيها ؟
طبعاً الكبسة بانواعها والإيدام
س/5 هل حدث لكـ موقف وأنت بالمطبخ؟
اذكر في سنه من السنوات كنا نطبخ العشاء في وقت متاخر وفي نص الطبخه خلص علينا الغاز فقمنا اخذنا حطب وطلعنا فوق السطوح وشبينا النار وطقينا بقدر الضغط فوق الحطب وادهر المؤشر ورجعت الحياه لمجراها الطبيعي وعودنا جبنا فرشتنا وعدتنا كلها فوق السطح وتعشينا هناك وجانا عشوه على مستوى .
وفيه مره جيت ابي اسوي شوربه واحطها في قدر الضغط والظاهر اني كثرت او مدري وش صار بالضبط المهم السطح والجدران امتلت من الشوربه ولو ويهي ماسلم
س6/ متى كآنت آول تجـربه لك في المطبخ ؟
والله ما ادري بالضبط متى .. لكن في الغالب إني مابدأت اطبخ إلا لما تعزبت اي مايقارب العشر سنوات
س7/ من وجهة نظـرك هـل الطبخ يختص بآلمـرأه فقط آم آنه لـِ
كلآ الجنسيـن؟
لا نهائيا الطبخ لكيلا الجنسين ويمكن المرأه اكثر تمكن في هالأمر بحكم
انها تجلس في البيت ولا فيه رجال مثل ماذكروا الشباب يعتبرون افضل من النساء في الطبخ
س8/طبخـه آو أكـله لآتستغنـي عنهآ؟
لا استغني عن الايدام بالذات ايدام الكوسه
س9/ آكله تشتهيهآ آلِآن؟
والله توني متغدي وماني مشتهي الا شاهي اخضر
س10/ آذكـر آخـر طبخـه طبختهآ ؟
كانت كبسة دجاج في رمضان

شكراً لأبو ريان وشكراً لشيخة بني عمرو على فكرة الموضوع ..
من بعدي غلا...ي