والله اني ڪنت الوم اللي يضيق إن غاب خله
لين جربت المحبه والفراق وقلت توبه

لعنبو جد المفارق فيه هم وفيه ذله
واثر ڪل الحب لذه .. والفراق اڪبر عيوبه

امس فارقت الغلا ومفارق الخلان عله
وعلاج الوصل لا ينفعه طبيب ولا حبوبه

الزعل هو سبه الفرقاء يهز الحب ڪله
ليتني طولت بالي قبل لا يعلن غروبه

واهني اللي وسيع الصدر صدره وسع فله
غلطة الصاحب تجي وترووح ماهيب محسوبه

سامح الله طبعي اللي ماتغير يالعله
قاضبن خلك عزيز لين صارت لي عقوبه

ليش تحسب غلطه الصاحب على الصاحب مذله
ليش ما تحسب ميانته لو تجي تسعين نوبه

لا وربي ڪنت احبه حيل مادورت زله
ماتشڪڪ في غلاه ولا تساعد في هروبه

يوم قفى..والخفوق يفوح عقبه فوح دله
وڪنت مؤمن في مقوله اعذب الشعر الڪذوبه

واثر ڪلن في حياته له تجارب مستقله
وانت لا تشره على مثلي وتبتليلك بحوبه

ڪآن جابتڪ الحمياء روح له تڪفى وقله
لا يخليني وإذا وده يخفف من ذنوبه

يستخير وله غلا قلب صدووق مايمله
فدوة له ڪل قلبي من شماله لي جنوبه

ڪل هاجوس(ن) يجيبه جعل شعري فدوة له
وا عذابي ڪل ماجابت لي النسمه هبوبه

مشغل قلبي بحبه دون خلق الله من الله
هيه ياللي ممتلڪني حسن واسلوب وعذوبه

ما سمعت إن الخوي له بالخوي تسعين زله
وانت طوف زلتي ياعل تفداڪ اللعوبه

صاحبي سيف الهجر لا سرت تقدر لا تسله
ما تضن إن العفو عند المقدره اكبر عقوبه

إيه انا اللي ڪنت اللوم اللي يضيق إن غاب خله
بــــــــــــــس جربت المحبه والفراق وقلت توبه

توبه من الزله توبه