كل شيّ بثمن إلا الأماني بلاش = احلمي يا عيوني قدّ ماتقدرين
ومدّ يا ساق طولك لين حدّ الفراش= لو تعدّيت حدّك عاقبتك السنين
اه ياكم طموح ن داخل الروح عاش = وان بغيت اوجده في واقعي مايبين
كم احاول واحاول لكن الحظ ماش= ما يجمّلني الحظ الردي ما يعين
ولو يحقّق مطاليب الرجال الهواش= كان هاوشت حتى ربعي الأقربين
لكن الرزق,واسباب الفنا والمعاش = كلها بيد واحد خالق العالمين
كم قلوب ن سقاها الغيث لكن عطاش= وكم قلوب ن تدوّر قطرة الما بدين
حكمة الوقت ماتعرف اصيل ن ولاش= والعطايا تقسّم بين زين ن ,وشين
وساكنين القصور وساكنين العشاش = كلّهم لو تطول اعمارهم راحلين