عجزت أنا أخفي دمعة بعين شاعر=لامن بكا قالوا .. صويبٍ ومطعون
تعــبت أنـــا غربة .. وقلبٍ مسافر = يـمر طيفٍ .. ماسكن قلب وعـيــون
تعّبت .. قلبٍ تحتـضر به مشاعر = تعبت أناقض قلب عاقل ومجنون
أموّت كلمة .. والقصايد تناظــر=حرفٍ قتلني .. وباقي الحرف مغبون
تعــبت أجسّد صورةٍ بالدفــاتــر= وجــه بـخيالي وسـط نـاسٍ يـمرون
تعــبت أحـيا بكل حبٍ وأغامــر=أرمي بروحي في متاهات وظنون
تعــبت أدور بـين كـل المظاهر =حبٍ .. ولكــن .. كل حـبٍ بلا لــون
تعــبت اصـدّق والخديعة تجاهر= والصدق ميت بالحقيقه ومدفون
تعــبت أنادي .. كنّ حولي مقابر =اصرخ وصوتي بالصدى يجرح الكون
أجي غريبة .. وارجع بكســر خاطر=أجي وأعوّد .. خافقي كله طعون