يامرحبا والدلـة ا تفـوح بالهيـل=يامرحبـا والعـود الازرق نعيـده
ويامرحبا واعداد مايدرج السيـل=بعـد السنيـن المجدبـات المديـده
وعد الليالي الماضية والمقابيل= واعداد خلق الله وعدة عبيده
واعداد ما لاح الفجر وانقضى الليل=باأهل السجايـا الطيبـة والحميـدة
بشعارنا اللي شعرهم رجّح الكيـل=ومسخريـن القافـيـات العنـيـدة
سلمان وابو سعيد نعـم الرجاجيـل=ومرضي وضيف الله عقول رشيده
في المنتدى معكم تزين المواويـل=ونقرأ قصايدكـم قصيـده قصيـده
فينا الغلا يجري لكـم كنـه النيـل=والله ماينقـص وحـنـا نـزيـده
ويامرحبا والدلـة اتفـوح بالهيـل=بشعارنـا والعـود الأزرق نعيـده