الخطاف / البدع =
*=
الصاحب اللي بداء له مده يجلّي=
ان كان جا فرح به قلبي وهَلابه=
وان راح مابقعد أدوره وارجاله=
محبته ماهي بفرض ن ولزّماني=

جبرني الوقت / الرد=
*=
قبيلتي درعي وفي الضيق فوج لي=
بني عمرو لابتي من مثلها لابه=
كسارة الترك والباشا مع رجاله=
والفخر والعز معنا طول الازماني=

الخطاف / البدع =
*=
مزايـن الإبل حلــوات ن وراقتلي=
وكـل شكـل وله سعر ن وجَـلابه=
تشاهد البدو كلــن يعرض اجمـاله=
يجولها من عفيف ومن حلاباني=

جبرني الوقت / الرد=
*=
حبيّب الروح حبّه من ورا قتلي=
غدا عليّه واخذ قلبي وولاّبه=
يعجز به الوصف والتعبير باجماله=
الزين منه يتزيّن والحلا باني=

الخطاف / البدع =
*=
جبرني الوقت وش بـ الحــاج متولي=
من شان حب العذارى يزعـل اقرابه=
ولّوا عليه الهوانم ضيّعــوا مـــــالــه=
ولابقي عنده إلا اثــنيــن فــــــدّانــي=

جبرني الوقت / الرد=
*=
اللي تولّع بدرب الحب متولّي=
حتى كتابه نسي ما عاد يقرابه=
لا عاد تنشد عنه وتقول وش ماله=
من شان خله يفدّيكم وفدّاني =

الخطاف / البدع =
*=
اهــل الــرباء لـوتـزايد مالهم قـلّي =
وســوقهــم مــايبـايع به ويـشــرابه=
والتاجر اللي يغش الناس بااعماله=
قـلبه عمــاه الجشع ماكــنه أنساني=

جبرني الوقت / الرد=
*=
يا صاح وشب العواذل مالهم قلّي=
حبيّبي من وراهم مدري ايش رابه=
متغيّر(ن) صار بأسلوبه وبأعماله=
الله يـلــطــف بحالي كــانـه انساني=

الخطاف / البدع =
*=
هنّيه الطــير ذا في الجــو متعـلّي=
ما بين غُر السحاب تحلّق اسرابه=
في كـل لقـطـار تتنـقـل وجــوالــه=
وانا ذبحني شقا روحي وعنواني=

جبرني الوقت / الرد=
*=
يا أهل الهوا صرت ذا اليومين متعلّي=
من بعد ما سار قلبي مع من اسرابه=
قولوا له يرد لا من دقّ جـــوالـــــــه=
وإني بمشفى عسير إسمي وعنواني=

الخطاف / البدع =
*=
م الحب ومتاعبه مااني على جلّي=
ياما مشينا في أدروبه وتُهنابه=
والحب بحر عميق طحت بأهواله=
حسبي على من رماني به وخلاني=

جبرني الوقت / الرد=
*=
وين الدواء وين انا بلقى علاج لّي=
ياجعل من دلني الأفراح تهنــابـــه =
سبة وليف(ن) جرحني واعشقه وآله=
ومن اجله إنسيت صدقاني وخلاّني=

الخطاف / البدع =
*=
سيوفنا يالعـــرب يا ليتها إتســلّي=
ومجلـس القمة يمنعنا من اشجابه=
عــدونا وصل مقصوده ومانــواله=
وربعنا بعد في شجب ن ولوماني=

جبرني الوقت / الرد=
*=
ياروحي تونسي ذا اليوم واتســــــــلّي=
وان جاك وقت العنا لاتقولي ايش جابه=
لك صاحب(ن) ماعرفتي كيف منوالـــه=
ولـسـان حــالـك يقول الله...... لوماني=

الخطاف =
*=
جبـــرني الوقـــت مــن خـــاواه ماذلّي=
ياصقـــــر شيهـــان يتغـــذا بمخـــلابه=
لـو يطلب الــروح ترخص له وتفداله=
لانه ماهو طيرعادي صقر شيهاني=

الخطاف / البدع =
*=
ياسلامي على الاعضاء جميع ومنتدانا=
منتدى ن فرق عن كل المواقع في رقيّه=

الخطاف / الرد =
*=
وشبنا بعد ذاك الحب سرنا منتدانا=
يوم طعنا هل النمكات سرنا فيرقيّه=