يا قلب لا تشـره / على قول ( لا باس )
= الجــرح غـــبه والمـــدامــع عنــاويـن

أقولها / و ثلـــثين قـولي على ســاس
= ليا فــرح ( خلّـين ) / (100) جريحين

من وين ما وجهت /(ضاقن) الانفـاس
= باللـّه قلـي ..؟ أبتـــدي معـك من وين !

تدري وانا ادري / وابتـــلا بيننـا راس
= رزين ( عـقـل ) ومصغي ٍ للمجانين

لا تلتفت لــ نـاس / وش لك مع الناس
= من قبلنـا طالـــــوا .. ( نقـاء) النبيين

هذا وهم إلأصـــدق الخـلــــق نبــراس
= واللي من الله .. حمّلــوا عهدة الدين

إلـ كلّ ( ثوب ٍ ) يابيض القلب لـبـاس
= ولـ كل ّ هقوهـ / يـوم وسط الميادين

لـــو كــلّ ما يحصـــد مُنـى كل غراس
= ما كان تسمع بـ(اختـلاف الموازين)

حـــنا غدينا / بين ( صـادق و بــلاس )
=من يوم صار الزور ساس البراهين

صرنا نشوف ان الذهب ناتج انحاس
= واعظم جروح الوقت ظلـم القريبين

يا قلب ضلعــينك من (الريق) حراس
= تموت لو ( يغدر ) بك آحـدهم الحين

أنا كتبتــك / قصـــة ٍ وســط كراس
= ( رسـالـة ٍ ) مــني لكــــل المحـــبين

اذا ( المحبه ) مالها سـاس تـنــداس
= هالحـين والا بعـد ( عام ٍ و عامين )

ولا ينجرح يا كود من عنده احساس
= وما يفرح الا معطي الناس ( وجهين