عبدك دعـاك ويالله انـك تجيبـه=عبد ضرير في دجاء اليـل محتـار
لاعادلـي همـه ولاعـاد هيـبـه=واصبحت في قلبي من الهم قنطـار
قالولي الاصحـاب هـذا نصيبـه=وهذي مكاتيـب مـن الله واقـدار
ولايـدرو ان القلـب زود لهيـبـه=وانا اتعذب كن فـي داخلـي نـار
انا عذرت الراس لـو زاد شيبـه=لاصار من يغلي تغطيـه الاحجـار
راح البطل راحت صفاته وطيبـه=وراح الذي له بين الاضلاع مقـدار
ولو تحصل مثل ابو عـون جيبـه=ماظنتي لو درت في كل الاقطـار
رمز الوفاء نادر وهـذي المصيبـه=ومن اجلها دمعي من الوجن حـدار
اباتحمـل واتصـبـر غصيـبـه=وارضى بما جاني من الله وماصار
حنا نكافـح وسـط دنيـا صعيبـه=كم ذوقت مسكين من سوطها الحار
واللي قول مبصوط فيهـا عجيبـه=مايدري انك يازمـن نـذل غـدار
جمرالزمن يعرفه من قـد كويبـه=يحرق فوادك من لظايـاه لاجـار
ومن لامني في حزني الله حسيبـه=هذا حسن له داخل القلـب تذكـار
يا الله تغفـر لـه وتمحـي ذنوبـه=واجعله يالله وسط جنـات وانهـار
وصلاة ربي عد مـن زار طيبـه=واعداد ماهلت على الارض الامطار
على النبـي اللـي كلنـا نقتديبـه=محمد اللي صفوت الخلـق مختـار