السلام عليكم
هذه محاولــة للتعبير عن مشـــاعر
وليس بالضرورة ان تكون قول شــــاعر
تقبلوها واقبلوا عذري مشكورين
الشوق
ممـــا جــرى لي يبكي الغــرب والشـــــرق
الله اكبــــــــر كيــــف عـذبني الشـــــــــوق
في ضـــــامري رعـد(ن) وفي خـاقي بـرق
صــدري كما غيم(ن) تـلاعب بـه ابــــروق
والدمــع من عيني حـــــرق وجنتي حــرق
حتى انبرى جسمي ومن عــوق في عــوق
كلــــــه !! من اللي لـــدّ بعيــــونه الــزرق
من يومهــــــا لمحبتـــــه ســـاقني ســــوق
اســـمه من اللي تقطــــع البيــــــد مشتــق
فيه الحلى والزيــــن والملـــح والــــــذوق
يقــول وين اعيــش قلت ابتســــــم وارق
وحطيت منــزاله شبيـــه القمـــــر فـــوق
فقـــــال وين ارتاح قلت اقلــــــط العرق
مكــــان ما حلـــــه من النــــاس مخلوق
اســــــكن شـــراييني لك القلب منشـــق
نصـف(ن) تريـح فيـه والنصف لك سوق
قيّـــــــدت شــعري فيه من بــــدة الخلـق
وقلدت راسه من بيــــــــوت الغزل طوق
يخطي واقــــول اقـديت خلي معـك حـق
وادنا غلـــــط مني يطـــــــالبني احقوق
ماكنت اظـــن ان المحبــــة بهــا سـرق
حتى ســـرق قلبي فصــــار الهوى بوق
اليــوم بعد الهجـــــــر والظلــــم والـرق
ماعاد لي شف(ن) في الخيـــل والنــوق
امـــوت والا اعيــش ماعــاد بـه فـــرق
ضاعت حروف الشعر والصوت مخنوق
حتى مووايلي عـجزت اعـرف الطــرق
الله اكبــــــــــــــر كيف عذبني الشـوق
وسلامة قلوبكمـ وكل مشتاقـ
المهندس