كيف أطفي الريح بثيابك وكيف اشعلـة=كيف اتثر على جمرك وكيـف احتويـك
نقضت ليل الحرير وجيت منـت لهلـك=سميت باللي فتني بـك وقلـت ابتديـك
هذا اول الدرب اوهذا الطريـق اولـك=جيت اتوقا عذابـات المـدى واهتديـك
شوقي مسافة وهمسـات مـدار وفلـك=ان ماضميتك غلا ياعلني مـا ارتويـك
اية اعرفك واعرف اني من غلاك اجهلك=مرات اضمك واخاف اني مشبة عليـك
مرات اشوفك بنفـس الوقـت واتخيلـك=وانشد كفوفي عن اخر سالفة من ايديـك
اعن لك لـو تصـب المـوت واتهيلـك=واجوع لك واتمنى خنجـرك واشتهيـك
ماقلتلك عمر سيـف العشـق مايقتلـك=ماتشوفني حي قدامك وانا امـوت فيـك
اشتقتلك قبل اجيـك وجيـت وشتقتلـك=لبارحة طول ليلي بيـن هـاذي وذيـك
مليت جمر انتظارك واستحيـت اسالـك =واحسبني ما بعد جيت وفكـرت اجيـك
أثرك بقلبي من البارح وأنـا استعجلـك=وأثري نسيتك من الفرحة وقمت أحتريك
رجعت وكلي شوق وحنين لكم يارفقاء الدرب