أسعد الأوقات يامركب عذابي=يارفيقٍ طولت مدة غيابه
وانت تـدري عن شقـاي وعن مصـابي=وعـارفٍ درب محـدٍ غيرك مشـى به
مرني يوم الفرح ثم التجا بي=واحتـرق قلبي على همٍ سـرى به
قصتـي وياه دونهـا كتابي=في هـدوءه يختفـي قـاسي عـذابه
كـل ماضاقت به الدنيا لقى به=كـل مذهب جابني لرضاه جابه
يشهـد الله مــاحضـرت إلا غدا بي=ولارضيـت أغلا على قـدر المهابه
كم سجدت بفـرجتي قبـل اكتـرابي=للكريم اللي له تحـق الإجابه
ويعلـم الله ماسواه أحـد سـرى بي=في هـواه ولا عن القلـب اهتنـى به
غـايتي في هالحياة وكل مـا بي=هو رضاه وفزعته راحـت طــلابه
احتمي به عن سهـم غـدر سطـا بي=يوم صابتنـي سهـوم أقسـى القرابه
ياعديـل الروح هـك اقـرا صـوابي=واعرف ان الكـل يسهــب بالإجابـه
يالله اني لك سجـدت ولك صـوابي=ياكـريم مـاخسـر من طـق بابـه