خطاء لو يمتلي قلبك حنين وماتقول اشتقت
مدام انك لقيت .. اللي فتح لك للفرح بابه


تكلم ,بوح له ,سولف, وبين ضيقتك لو ضقت
وخله يعرف شعورك .. اذا حشيت بغيابه


ذا شفت أبتسامه في عيونه قول : ’’ تـg ’’بس رقت
لان انت الوحيد اللي احس العمر يحلى به


عشانه .. علمه كم من قصيد بداخلك احرقت
وأن أجمل قصيد بينكتب لجله وبأسبابه


وكل اللي انكتب قبله .. أخذته كله وشققت
وأن أية قصيدة ...حب ماتعنيه كذابه


ووضح له اش كثر من قبله من أصحاب العمر فارقت
لأنك تنتظر لحظة .. وصوله لجل تحيا به


لجل يرسم على وجهك فرح كل مايحس أطرقت
وسجيت بخيالك تنتظر .. صوته وترحابه


يداعب مسمعك لحظة يقول ..وش فيك ..؟ رد مافقت
أنا كنت احسبك حلم .. وكثير احلام تتشابه


ولكنك حقيقه .. من وصلت لدنيتي اعتقت
مساجين الحروف الضايعه في ساحل كتابه


gش أجمل من حبيب تعيش به لأطلقت ..
عصافير الكلام .. لغصنها الراوي وتزهى به


وخذ ايده بيدك ..قول: تو الحين بس صدقت
بانك أثمن وأغلى .. هديه هالزمن جابه


وقله وأنت تكتبله ’’أحبك’’ في يده أشتقت
وقله وانت تفتح له بقلبك ... كل أبوابه


تعال نعيش فرحتنا غصب عن عين هذا الوقت
انا مللليت من حزني .. وظلم الجرح .. واصحابه



دمتم بسعاده
الخميس 8 \ 6 \رجب 1432

لا تُحَدِثّنِيْ عَنْ اٌلدِينْ
{وَدَعّنِيّ أَرَآهُ فِيْ تَصَرُفَاِتك}