خاب ظني والحزن ماخاب ظنه
يوم خليتي دموعي لك سكايب
كل يوم اشعر من فراقك بونه
والفراق أعجب من السبع العجايب
عشت نار الهجر وانتي وسط جنه
والهموم أضحت على صدري كتايب
علميني بالتلاعب كيف فنه
وكيف يقسى قلب عاشق كان ذايب
ذكرياتك جوف عقلي يشاغلنه
مقدر انسى يوم كنا أحلى حبايب
كان لي في ساحتك شنه ورنه
كنت أهيم بروعتك فوق السحايب
كنت أخبي حبنا وأخشى وأكنه
لين راح الحب من قلبي نهايب
اخرجي سيفك وانا بتعب واسنه
واقتليني وارفعي فوقي نصايب
|