والله إني لو رخصت العمر كله في رضاك
مايوفي ربع حقك وأنت حقك مايهون



يايبه ياتاج راسي يا عسى عمري فداك
ياغناتي والله إنك لو تبي عيني تمون



واحد وعشرين عام ماترددت بعطاك
ياشبيه الغيث لامن ساقته غر المزون



والله إني لو كثر خيري فأنا خيري ذراك
شوفني بنت كاملة بس دونك .. ويش أكون؟



ووش يكون العمر من دون اجتهادي في غلاك
ووش يكون العطف والرحمة بدونك وش تكون؟



يايبه يانور عيني شب عمري في هناك
والله إنه أبرد من الما على كبد الطعون



يايبه ياجعل روحي فدوة لموطى خطاك
حطني بينك وبين الوقت وكبار الطعون



العمر والنفس واللي أملكه كله فداك
واعرف إنه ربع حقك وأنت حقك ما يهون ]

.