الحـــال وخـبــــاره
الـعــــام لـــول وهـذا عــامنـا الـثـــاني
والعمــر كـله صــلاح وسعــد ياســـاره
يـاوردة نــــورت فـي وصـط بستـــاني
شمس وغطت فسيـح الكـون وقمـــاره
والــمـلك الله مـلـكـتــي كـل وجـــــداني
بمـرك ونهيك اسير وضاعت اعـــذاره
ياعـــز مــالي ويغـــلا اســم بالســـاني
فـيك الامـل والعمـل والعمــر وقــــداره
والحمــد الله انا بـك مــرتــضي هـــاني
قــلبي الى من حضنتــك تـنطفي نـــاره
وابحــر من الشـوق في حـبك وتلقــاني
دايــم بـجـنـبــك وهـــايـم تــاه بـفكـــاره
اغـــوص في عالـمك ويضيـع عـنــواني
وصبــح وحـيــد لحــالـي عـنـد جـبــاره
اكــتب من الشعـــر وغــني لك الحـــاني
في روضــة والـزبيــدي تفطـر اثمــاره
الــورد فــيهـا على انــواعــه واللـــواني
وشـكـال تـغني وتجذب روعـة ازهــاره
الشيــح والبــرك والقصمـــل وريحـــاني
والـفــل و الــورد والصنــدل مع شــــاره
في ظـلك يـعـيش ياعـمــري على شــاني
والعـــود لــزرق يـفـــوح ومـنك عطـــاره
وانا شـهـــد انك رفـيـقــــة درب متفــاني
والـعــلم ثـابت وهــذا الحـــال وخـبــــاره
دمــتي حـيـــاتي ودام العـــــز مــيــــداني
وضـــرب بـكـفـي يـمين الخيـــر ويسـاره
