يامنشي الهبايب .. ومنشي السحايب .. وعالما بالغايب..
الطف بنا ياستار

واغفر ذنوب الشاكي .. يامدبر الافلاكي .. ومالك الاملاكي..
يامعتلي ياجبار

قال الفتى القحطاني .. ياساحر الاجفاني .. بالناس شكلك ثاني
محتار منك محتار

برموشك النعسانه .. وعيونك الفتانه .. شفت الهوى والوانه
شبيت في قلبي نار

من وين ربي جابك .. اشاهدك وابلابك .. خليتني بسبابك
امشي دروب الاخطار

عفت الهوى من داني .. نسيتني خلاني .. هيمان في الاوطان
رحال عبر الاقطار

قصدي ادور زيّك .. في حينا او حيّك .. مامثلك الا خيك
فاصبحتوا اثنين اقمار

ما أجملك في عيني .. برغم ما تكويني .. فعايلك ترضيني
احرار تمْلك احرار

كلمات شاعر الجزيرة / علي القحطاني